Transcription
1
Cappitayne La Cazette, attandu la suspention darmes accordée
2
jusques au quinziesme de febvrier que vous aurés receue, je
3
nentendz pas que vous entriés en despance pour faire
4
aulcune execution par de là, comme au paravant je vous
5
avoys mandé pour les rebellions de ceulx de la nouvelle
6
oppinion et religion, ne y faire pour ce venir aulcuns
7
estrangiers, encores que je saiche assés le peu dasseurance
8
quil y a aux gens des communes, si nest entent que
9
lesdictz de la religion ne vouloyent obtemperer à icelle
10
suspention et se compouter sellon son contenu ; auquel cas,
11
je serey tousiour très ayse qu’on leur rue sus pour les
12
fère obéir par la force silz ne veulent faire de bonne
13
voulenté. Et cela advenant, je vous donnerey au premier
14
advis toute provision necessaire en cela telle que
15
pourrés desirer. Et estant tout ce que je peulx
16
respondre à la votre que ma rendue le sieur de Savynes,
17
lequel ma dict de votre part, je ferey fin par mes
18
affectionnées recommandations à votre bonne grace,
19
avec prières à Dieu qui vous doint
20
cappitayne La Cazette, en très bonne sancté, longue
21
vie. De Vallance, ce XI janvier 1574.
22
Vostre entierement meilheur amy
23
Gordes
24
Et au dessus :
25
« Au cappitayne La Cazette gouverneur du château d’Essilhes »